Adam dúzilisi hár qıylı bolǵanı sıyaqlı onda ótetuǵın procesler, sonıń ishinde, hámiledarlıq belgileri de hár bir hayalda hár qıylı boladı. Hámiledarlıqtı árman etip jasap atırǵan hayal bul belgilerdi bilip, ózinde tezirek seziwdi qáleydi. Aqırı hámiledarlıq bul júdá ájayıp hám ózgeshe, tákirarlanbas bir dáwir emes pe? Solay emes pe?
Hámiledarlıq belgileri, nıshanları — onıń qanday kórinetuǵını barlıq hayallarda biraz yamasa túp-tiykarınan parıqlanıwı múmkin. Ayırım hayallarda hámiledarlıqtı kórsetetuǵın dáslepki belgiler bolsa, basqaları ózleriniń densawlıǵında ózgeris sezbeydi.
Tómende hámiledarlıqtıń dáslepki belgileri haqqında maǵlıwmat berip ótemiz. Eger usı belgilerdi ózińizde sezseńiz, aymaqlıq emlewxanańızda tekseriwden ótip, hámiledarlıq tastıyıqlansa, hámiledar sıpatında dizimge jazılıń.
Sonday-aq biziń “Lalu — Hámiledarlıq mektebi”mizge qosılıń. Bunıń ushın Google Play qosımshalar dúkanınan mobil qosımshamızdı biypul júklep alıń. Hám hámiledarlıqtıń pútkil múddetin ájayıp hámiledarlıq kalendarı arqalı baqlap barıń!
“Lalu — Hámiledarlıq mektebi” mobil qosımshası arqalı hámiledarlıq dáwiri dawamında siz hám hámileńizdegi ózgerislerdi baqlap barıw, hámileniń rawajlanıwı sáwlelendirilgen súwretler hám ólshemler menen tanısıw, bolajaq perzentińizge at tańlaw, basqa hámiledar hayallar menen pikir hám tájiriybe almasıw sıyaqlı paydalı imkaniyatlardan paydalanıwıńız múmkin.
Hámiledarlıqtıń dáslepki belgileri
Máyek kletkası urıqlanǵannan keyin hayal organizminde bir qatar gormonal ózgerisler baqlanadı. Tómende organizmdegi gormonal ózgerisler fonında júzege kelip atırǵan deneńizdegi ózgeshelikler haqqında sóylesemiz. Álbette, hámiledarlıqtı tastıyıqlaw ushın qanda XGCh muǵdarın anıqlaw, ultrases tekseriwi (UZI) sıyaqlı tekseriwlerden ótiw kerek boladı.
Hayız bolmawı hám az muǵdarda qanlı ajıralmalar
Hayaldıń máyek kletkası urıqlanǵannan soń jatırǵa jaylasıwdı baslaydı. Bul process implantaciya dep ataladı. Dál usı dáwirde (ádette 1-2 kún) qınnan az muǵdarda qanlı ajıralma baqlanıwı múmkin. Olar hayız dáwirindegi ajıralmalardan reńi, dawamlılıǵı hám muǵdarı menen túpten parıqlanadı. Reńi ashıǵıraq, dawamlılıǵı qısqaraq hám muǵdarı júdá az boladı. Bul waqıtta hayız keliwi baqlanbaydı.
Biraq hayızdıń keshigiwine isenimli belgi sıpatında qaralmawı kerek, sebebi hayız kórmewshilik kóbinese reproduktiv sistema kesellikleri, stress hám gormonal patologiyalıq ózgerisler menen baylanıslı bolıwı múmkin.
Hayız kúnleriniń sozılıwına hámiledarlıqtan tısqarı jáne qanday faktorlar sebep bolıwı haqqında mına maqala arqalı maǵlıwmat alıwıńız múmkin: Hayız keshigiwi sebepleri
Hámiledarlıq belgileri: Sút bezleriniń úlkeyiwi hám awırıqlı bolıwı
Hámiledarlıq júzege kelgende hayal organizminde júdá kóp gormonal ózgerisler júzege keledi. Sút bezleri bolsa, gormonal ózgerislerge júdá sezgir boladı. Hámiledarlıqtıń dáslepki kúnlerinde bezler úlkeygen, emshek ushları awırıqlı boladı. Biraq kókirektiń úlkeyiwi hámiledarlıqqa qarsı ishiletuǵın gormonal dári-darmaqlar sebepli de payda bolıwı múmkinligin de esten shıǵarmaw kerek.
Sonday-aq, hámiledar hayaldıń kókirek bezlerinde pútkil hámiledarlıq dáwiri dawamında ózine tán ózgerisler boladı. Ózgerisler hámiledarlıqtıń dáslepki belgileri sıpatında payda bolıwdan baslap, tuwıtqa shekem jańa tuwılatuǵın náresteni tolıqqanlı azıq penen támiyinlew dárejesine jetkenshe dawam etedi.
Hámiledarlıqta kókirektegi ózgerisler haqqında mına maqala arqalı kóbirek maǵlıwmat alıwıńız múmkin: Hámiledarlıqta kókirektegi ózgerisler
Hámiledarlıq belgileri: Sharshaw hám uyqıshıllıq
Sebepsiz sharshaw, tez haldan tayıw da hámiledarlıqtıń dáslepki belgilerinen bolıp tabıladı. Ayırımlardıń jılawıq bolıp qalıwı da kóp ushırasatuǵın jaǵday. Bul belgi kóbinese birinshi hámiledarlıqta júzege keledi.
Organizmdegi zat almasıw procesleriniń kúsheyiwi hám tezlesiwi sharshaw sezimi, uyqıshıllıq hámde dem alıw tileginiń payda bolıwına alıp keledi. Qızıǵı sonda, birinshi trimestrdegi uyqıshıllıq bara-bara, kóbinese ekinshi hám úshinshi trimestrlerde uyqısızlıq penen almasadı.
Áhmiyetli: Hámiledarlıq dáwirindegi spazm (tamır tartısıwı) jaǵdayları
Kewil aynıwı
Kewil aynıwı yamasa azanǵı toksikoz payda bolıwı kóbinese hámileniń 5-6 hápteliginen baslanadı, ayırım hayallarda bolsa bul simptom urıqlanıwdan soń, yaǵnıy 2-3-háptelerde de baqlanıwı múmkin. Sonı este saqlaw zárúr, kewil aynıwına asqazan-ishek traktı, júrek-qan tamır hám oraylıq nerv sisteması kesellikleri de sebep bolıwı múmkin.
Hámiledarlıqta toksikoz haqqında usı maqala arqalı kóbirek maǵlıwmat alıwıńız múmkin: Hámiledarlıqta toksikoz hám onı úy sharayatında jeńillestiriw usılları
Sidik ajıralıwınıń kóbeyiwi
Hámiledarlıqtıń dáslepki belgisi sıpatında hayalda ádettegiden kóre tez-tez kishi dáretke mútájlik payda bolıwın baqlaw múmkin. Hámiledarlıq waqtında denedegi qan muǵdarı artıp baradı, bul hámiledar hayaldıń búyreklerine túsetuǵın qosımsha suyıqlıqtı qayta islewge alıp keledi. Bul bolsa, óz-ózinen sidik ajıralıwınıń artıwına sebep boladı.*
Sidik ajıralıwınıń kóbeyiwine de geyde basqa mashqalalar, sonıń ishinde sidik jolları infekciyası, qantlı diabet, diuretikler qabıl etiw sebep bolatuǵının este saqlaw kerek.
Hámiledarlıq belgileri – ekilemshi belgiler
- Hámiledarlıq belgileri sıpatında bazal temperaturanıń kóteriliwi;
- Progesteron gormonınıń kóp islep shıǵarılıwı nátiyjesinde dene temperaturası 37 gradusqa shekem kóteriliwi múmkin;
- Shanaq tarawında awırlıq sezimin seziw – bul tarawda qan aylanısı kóbeyedi, hayal basım hám awırlıqtı seze baslaydı.
- Uyqısızlıq – sharshaw sezimi kóbinese nerv qozǵalıwshańlıǵına alıp keliwi nátiyjesinde uyqısızlıq gúzetiliwi múmkin.
- Belde awırıw seziw – bel tarawında sızlap awırıwlardı seziw múmkin. Biraq búyrek keselliklerinde de awırıw gúzetiliwi múmkin.
- Bas awırıwı – gormonal ózgerisler nerv sistemasına tásir etkenligi sebepli bas awırıwı gúzetiliwi múmkin.
- Bas aylanıwı. Bul qan tamırlarınıń keńeyiwi, qan basımınıń tómenlewi hám qanda qant muǵdarınıń azayıwı menen baylanıslı bolıwı múmkin. Eger esińizden tansańız, bul haqqında shıpakerge mindetli túrde aytıń. Eger esten tanıw yamasa kúshli bas aylanıwı qarındaǵı awırıw yamasa qınnan qan ketiw menen birge baqlansa, dárhal tez járdem shaqırıń – bul jatırdan tıs hámiledarlıqtıń belgisi bolıwı múmkin.
- Ishteydiń ashılıwı – zat almasıwınıń tezlesiwi fonında ishtey ashıladı.
- Iyis biliw hám dám biliwdiń kúsheyiwi – eger aldınları hayal ayırım iyislerge itibar bermegen bolsa, hámiledarlıqta iyislerge sezgirligi artadı.
- Qozǵalıwshańlıq hám keypiyattıń ózgeriwi – kópshilik hayallar ashıwshaq hám keypiyatı tez-tez ózgerip turıwshı bolıp qaladı.
- Dene salmaǵınıń ózgeriwi – hayal organizmi hámileni azıq penen támiyinlep beriwi ushın dene salmaǵınıń artıwı baqlanadı.
- Ayaq hám qollardıń isiwi – hámiledarlıqta organizm kóbirek suyıqlıq uslap qaladı, sonlıqtan, ásirese keyingi aylarda, ayaq, tobıq hám barmaqlarda áste-aqırın payda bolatuǵın jeńil isik baqlanıwı múmkin. Júzdiń, qollardıń yamasa ayaqlardıń birden isip ketiwi preeklampsiya belgisi bolıwı múmkin – bunday jaǵdayda dárhal shıpakerge múrájáát etiń.
- Júzdegi hár túrli bórtpeler – hayaldıń aldın terisi menen hesh qanday mashqalaları bolmaǵan bolsa da, hámiledarlıqta júzge bezewler (ugri) shıǵadı. Bul gormonal disbalans penen túsindiriledi.
- Qarın kóbisi hám/yamasa qabız bolıw – gormonlardıń ishekke tásiri nátiyjesinde isheklerde meteorizm baqlanadı.
- Kókirek tarawında venoz qan tamırlar kórinisiniń kúsheyiwi – hámiledarlıq baslanǵannan soń organizm onı azıqlandırıw ushın da tayarlanıp baradı, venoz qan tamırlar kórinisi laktaciya procesi baslanıp atırǵanlıǵınan derek beredi. Kókirek úrpiginiń reńi de qoyıwlasadı.
- Júz terisiniń reńiniń qızarıwı – gormonlardıń kapillyarlarǵa tásiri nátiyjesinde qan tamırları keńeyetuǵın bolıp qaladı.
- Qarınnıń aq sızıǵında pigmentaciyanıń buzılıwı – hámiledar hayallar ushın xarakterli bolǵan simptom kindikten qaw simfizine shekem payda bolǵan «jolsha» payda boladı.
Eger sizde hámiledarlıqtıń dáslepki belgileri sezilip, biraq hámiledarlıq testi unamsız nátiyje kórsetip atırǵan bolsa, siz biraz asıqqan bolıwıńız múmkin. Birneshe kúnnen soń testti qaytadan islep kóriń. Eki-úsh hápteden soń da test teris shıqsa, hayız kelmey atırǵanlıǵınıń sebebin shıpakerge kórinip anıqlaw maqsetke muwapıq boladı.
Hámiledarlıǵıńız tastıyıqlansa, joqarıda aytqanımızday
“Lalu” mobil qosımshasın mobil telefonıńızǵa ornatıp alıń. Hám saw-salamat perzent dúnyaǵa keltiriw sıyaqlı juwapkershilikli wazıypanı ańsatıraq orınlań.
Mobil qosımshanı bul silteme arqalı júklep alıwıńız múmkin: https://bit.ly/lalu-app
