Hámiledarlıq sizde bir qatar sezimlerdi, sonıń ishinde, táshwish sezimi yamasa stressti keltirip shıǵarıwı múmkin, biraq bul pútkilley normal jaǵday. Hámiledarlıqta stress bul úlken ózgerislerge nisbatan normal reakciya (sonıń menen birge, hámiledarlıqta). Ayırım jaǵdaylarda, stress adamlar ushın hátteki jaqsı da bolıwı múmkin, bul olardıń jańa qıyınshılıqlarǵa qarsı háreket etiwine túrtki bolıp xızmet etedi.
Biraq, hádden tıs kóp waqıt stresste bolıw siz hám bolajaq perzentińizdiń densawlıǵı ushın túrli mashqalalardı keltirip shıǵarıwı múmkin.
Hámiledarlıqta stress sebebi ne?
Ayırım hayallar ózlerinde dáslepki hámiledarlıq belgilerin seze baslawı menen óz-ózinen qáweterge túsedi hám stressli jaǵday payda boladı. Hayal ózindegi qadaǵalawdı joǵaltıp alǵanday yamasa ózinde basınan keshirip atırǵan jaǵdaylardı basqarıw ushın jeterli kúsh joq ekenligin seziniwi múmkin.
Stress rejelestirilmegen hámiledarlıqta yamasa hámiledar bolǵannan keyingi hámiledarlıq penen baylanıslı dáslepki unamsız pikirlerden, balanı tuwıwda yamasa analıqta, sonday-aq, bala túsiwi yamasa hámile óliminen soń kelip shıǵadı.
Antenatal testlerińiz nátiyjesin kútip atırǵanıńızda hám hámiledarlıq yamasa awır ótip atırǵan hámiledarlıqtaǵı fizikalıq ózgerislerge bolǵan múnásibetińizde de stressli jaǵday júzege keliwi múmkin.
Sonıń menen bir qatarda úydegi jaǵday da stressti keltirip shıǵarıwı múmkin, máselen jalǵız ata-ana yamasa shańaraqta óspirim bolıwı hám onıń ınjıqlıqları, múnásibetlerdegi qıyınshılıqtı basınan keshiriw hám olardı qalayınsha jeńiw haqqında oylaw, sonıń ishinde shańaraqlıq zorlıq.
Eger sizde bir waqıttıń ózinde joqarıdaǵı jaǵdaylardıń bir neshewi júz berse, siz kóbirek stressti bastan keshiriwińiz múmkin.
Hámiledarlıqta stress hámilege qanday tásir etedi?
Sozılmalı (turaqlı) stress siziń densawlıǵıńızǵa yamasa ulıwma jaǵdayıńızǵa unamsız tásir kórsetiwi múmkin hám bul bas awırıwı, uyqısızlıq, tez dem alıw hám pulstiń tezlesiwi sıyaqlı belgiler menen júz beriwi múmkin
Ayırım adamlar tómendegi jaǵdaylardı basınan keshiredi:
- Tınımsız pikirler;
- Qáweterleniwshilik yamasa tınıshsızlıq;
- Ashıwshaqlıq;
- Awqatlanıwdaǵı mashqalalar (júdá kóp yamasa az awqatlanıw yamasa nadurıs awqatlanıw);
- Dem almaw yamasa dem alıwdaǵı mashqalalar.
Sozılmalı stress sonday-aq, bolajaq perzentińiz ushın mashqalalardı keltirip shıǵarıwı múmkin. Olar sonday-aq, perzentińizdiń keleshekte fizikalıq hám aqliy rawajlanıwındaǵı, sonıń menen birge, balalıqtaǵı minez-qulıq penen baylanıslı mashqalalardıń artıwına sebep bolıwı múmkin.
Áhmiyetli: Hámiledarlıq dáwirinde qorıldaw hám onıń belgileri
Hámiledarlıqta stressti azaytıw
Fizikalıq salamatlıǵıńızǵa ǵamqorlıq etiw qanshelli áhmiyetli bolsa, hámiledarlıqta ruwxıy jaǵdayıńızǵa ǵamqorlıq etiw de sonshelli áhmiyetli. Siz ózińizdi jaqsı, quwanıshlı, baxıtlı sezgenińizde, ózińizdegi stressti jaqsı basqara alasız. Stressti basqara alǵanıńızda, bul sizge hám bolajaq perzentińizge jiddiy tásir kórsetpeydi.
Stressti basqarıw ushın tómendegilerdi islep kóriwge háreket etiń:
- Stressti keltirip shıǵaratuǵın jaǵdayǵa hám sizde stress bolǵan waqıtta ne júz bergenin sezgenińizge itibar beriń;
- Áste háreket etiń, dem alıń hám ózińizge artıqsha fizikalıq-ruwxıy basım ótkermeń;
- Salamat awqatlanıń, jaqsı balansqa iye bolǵan durıs awqatlar siz hám perzentińizdiń salamatlıǵın saqlawǵa járdem beredi;
- Ózińiz isenetuǵın birer adamǵa pikirlerińiz hám sezimlerińiz haqqında aytıp beriń;
- Basqa hámiledar hayallar menen súyikli mobil qosımshańız «Lalu» arqalı sáwbetlesiń, ulıwma mashqalalardı talqılań. Zárúrlik tuwılsa, qánige shıpaker menen baylanısıń;
- Fizikalıq aktivlik, sonday-aq dem alıw da stressti azaytıwǵa járdem beredi. Hámiledarlıq ushın sáykes keletuǵın ádettegi shınıǵıwlarǵa qatnasıń: yoga, meditaciya menen shuǵıllanıń, dem alıw kursları arqalı dem alıń, videolar yamasa podkastlardan paydalanıń;
- Unatqan islerińiz benen shuǵıllanıń, sonday-aq, oqıw, televizor kóriw yamasa birer hobbi menen, ulıwma alǵanda ózińizdi erkin hám tınısh sezetuǵın adamlar menen waqıt ótkeriń;
- Hámme mashqalanı ózińiz sheshiwińiz shárt emes. Járdem kerek bolsa, sorawǵa háreket etiń hám adamlar sizge járdem bermekshi bolǵanlarında usınısların qabıl etiń.
