Мастит — бемориест, ки бо пайдоиши сироят дар бофтаҳои ғадуди шири як ё ҳарду сина ба амал меояд. Ин одатан дар занони ширдеҳ ба вуҷуд меояд.
Дар сина аксар вақт минтақаи сахт ва дарднок пайдо шуданаш мумкин аст. Ин ҳолат дар натиҷаи баста шудани канали шир ё ба воситаи пӯст ба сина даромадани бактерияҳо ба вуҷуд меояд. Аксар вақт ин ҳолат дар давоми 3 моҳи аввали баъди таваллуди кӯдак инкишоф меёбад, аммо баъд аз 2 сол аломатҳои худро зоҳир мекунад.
Дар баъзе модарон дар натиҷаи нодуруст аз шир ҷудо кардани кӯдаконашон низ мастит ба вуҷуд меояд. Дар аксари ҳолатҳо, ҳангоми мастит синамакониро давом додан лозим аст. Мастит одатан фақат дар як сина пайдо мешавад.
Муҳим: Тағйирот дар сина ҳангоми ҳомиладорӣ
Аломатҳои мастит
Аломатҳои мастит метавонанд зуд ривоҷ ёбанд. Онҳо инҳоянд:
- Сурхшавӣ ва варам дар соҳаи сина;
- Эҳсоси дард ҳангоми ламс кардани қисми осебдидаи сина;
- Эҳсоси гармӣ ҳангоми ламс кардани қисми осебдидаи сина;
- Эҳсоси сӯзиш дар сина, ки метавонад доимӣ бошад ё маҳз ҳангоми синамаконӣ пайдо шавад;
- Аломатҳои ба зуком монанд.
Аломатҳои зерин метавонанд вуҷуд дошта бошанд:
- Ташвиш ва эҳсоси стресс;
- Ҳисси хунукхӯрӣ ва ларзиш;
- Баландшавии ҳарорати бадан;
- Хастагӣ;
- Эҳсоси дард дар тамоми бадан;
- Эҳсоси нооромӣ.
Табобат
Самти аввалини табобат ин воситаҳои худкӯмакрасонӣ мебошанд, масалан, таъмин намудани дренажи дурусти сина ҳангоми синамаконӣ.
Духтур барои табобати сироят метавонад антибиотикҳоро таъин кунад. Агар сабаб ҳамин бошад, вай инчунин усулҳои табобати роҳҳои шири басташударо тавсия медиҳад.
Баъзе тадқиқотҳо нишон медиҳанд, ки дар ин ҳолат антибиотикҳо ёрӣ намерасонанд ва истифодаи онҳо ҳангоми синамаконӣ метавонад манъ карда шавад. Дар навбати аввал бояд воситаҳои ғайридоругиро санҷида дид.
Агар оризаҳо ба вуҷуд оянд ва вазъият зуд шиддат гирад, инчунин ҷиддитар ба назар расад, бистарӣ кардан дар беморхона ва табобат бо антибиотикҳо тавсия дода мешавад.
Муфид: Ҷиҳатҳои муфид ва зараровари муддати дароз бо шири модар ғизо додани кӯдакон
Сабабҳои мастит
Мастит ҳангоми ширдиҳӣ одатан дар натиҷаи баста шудани роҳи шир ё пайдо шудани судда ба вуҷуд меояд. Бандшавӣ боиси истодани шир мегардад, вақте ки шири истеҳсолшуда дар вақти ғизодиҳӣ намебарояд ва дар сина боқӣ мемонад.
Дар ин ҳолат дар кӯдак ҳолатҳои зерин ба вуҷуд омада метавонанд:
- Ба сина дуруст намечаспад;
- Дар макидани шир аз сина душворӣ мекашад;
- Ҳолати макидан кам мешавад.
Каналҳои шир, масалан, аз сабаби пӯшидани либоси танг ва фишор дар сина низ баста шуданашон мумкин аст. Бисёр вақт модарон ҳар рӯз ангуштонашонро ба як ҷо мегузоранд, то ки сина роҳи бинии кӯдакро маҳкам накунад. Ин соҳа баъдтар ба канали бандшуда табдил меёбад.
Мавзӯи шавқовар: Марҳилаҳои рушди кӯдак: Шунавоӣ ва овозбарорӣ
Ҳар чизе, ки аз баровардани дурусти шир монеъ шавад, одатан боиси истодани шир мегардад ва ин аксар вақт ба баста шудани роҳҳои шир оварда мерасонад. Умуман, бактерияҳо дар шири нави модар зиёд намешаванд. Бо вуҷуди ин, агар роҳҳои шир баста шаванд ё шир дар онҳо боқӣ монад, эҳтимолияти зиёд шудани сироят дар ин ҷо баланд мешавад.
Бактерияҳои сатҳи пӯст метавонанд ба воситаи тарқишҳои хурд ё сӯрохиҳо ба сина ворид шаванд.
Омили аввалиндараҷаи пайдоиши бемориҳое ба монанди мастит, норасоии дониш ва малакаи модари ҷавон оид ба дуруст шир додани кӯдак мебошад.
Барои осонтар ва безарар ҳал кардани чунин мушкилот, дастаи «Lalu» донишҳои муфидеро, ки барои модарони ҷавон заруранд, омода карда истодааст.
Табобати мастит дар шароити хона
Усулҳои зерини нигоҳубини худ аксар вақт барои кушодани роҳи шир, ки ҳангоми синамаконӣ баста шудааст, истифода мешаванд:
- Гирифтани дониш оид ба синамаконии дуруст;
- Нӯшидани моеъи зиёд ва истироҳати кофӣ;
- Зуд-зуд сина макондан, агар ғизодиҳӣ имконнопазир бошад, дӯшидани шири сина;
- Оғоз кардани синамаконӣ аз синаи осебдида, ки ин боиси бештар холӣ шудани он мегардад;
- Баъди ғизодиҳӣ шири боқимондаро оҳиста дӯшида партофтан;
- Якҷоя бо мутахассис санҷидани он, ки оё кӯдак синаро дуруст мемакад ва машварат гирифтан;
- Санҷидани усулҳои гуногуни ғизодиҳӣ ва ёфтани усули самарабахштарин, ки шири синаро пурра холӣ мекунад;
- Тез-тез тағйир додани ҳолат;
- Пеш аз ғизодиҳӣ бо компресси гарм гарм кардани сина, зеро ин кор баъзан макидани ширро барои кӯдак осон мекунад.
- Баъди ғизодиҳӣ истифода бурдани компрессҳои салқин;
- Пӯшидани либоси васеъ;
- Роҳи беҳтарини осон кардани холӣ шудани сина ин ба тарафи канали басташуда равона кардани манаҳи кӯдак аст;
- Бо мақсади рафъи дард ба сина гузоштани матои бо оби ширгарм намшуда.
