Ҳангоми ҳомиладорӣ чӣ тавр донистан мумкин аст, ки таппиши дили тифли ояндаи шумо дар меъёр аст? Ин савол дар аксари мавридҳо ҳангоми бори аввал шунидани таппиши дили ҳомила дар занҳо пайдо мешавад. Табиист, ки ин овоз шуморо ба ҳайрат меорад. Чунки одатан занон дар давоми давраи ҳомиладорӣ аз суръати таппиши дили тифл хабар надоранд.
Таппиши дили кӯдаки шумо чӣ гуна тағйир меёбад
Аксари занон ҳангоми бори аввал шунидани таппиши дили ҳомила барои тасвири ин ҳолат аз калимаҳои тақлидӣ ба монанди "дук-дук" истифода мебаранд. Ҳангоми ҳомиладорӣ суръати таппиши дил нисбат ба суръати таппиши дили калонсолон баландтар аст, аммо таппиши муқаррарии дили ҷанин вобаста ба давраи ҳомиладорӣ ва қисмҳои рӯз тағйир меёбад.
Таппиши дили ҳомила дар давраҳои гуногуни ҳомиладорӣ
Ҳангоми тақрибан панҷҳафтаина будани ҳомила дили тифл ба тапидан шурӯъ мекунад. Дар ин вақт суръати мӯътадили таппиши дили ҳомила бо суръати таппиши дили модар як хел мешавад: дар як дақиқа аз 80 то 85 зарба мезанад. Аз ҳамин вақт сар карда, дар моҳи аввал таппиши дил тақрибан се маротиба дар як рӯз тез мешавад. Духтури шумо метавонад бо ёрии ултрасадо барои муайян кардани чандмоҳа будани ҳомила аз суръати таппиши дил истифода барад.
То даме, ки дили ҳомила тапиданро идома медиҳад, хавфи исқоти он кам мешавад. Аммо агар тапиши дил барои як ҳафта ё бештар аз он қатъ шавад, он метавонад дар ниҳоят ба исқоти ҳамл (аборт) оварда расонад.
То ҳафтаи нӯҳум, дили тифл ба ҳисоби миёна дар як дақиқа 175 маротиба мезанад. Аз ҳамин вақт сар карда, ин суръат паст шудан мегирад ва дар як дақиқа тахминан 120-180 зарбаро ташкил медиҳад. Дар 10 ҳафтаи охири ҳомиладорӣ, суръати муқаррарии тапиши дили ҷанин боз ҳам сусттар мешавад, аммо бо вуҷуди ин, он тақрибан ду маротиба тезтар аз дили одамони калонсол мезанад. Шумо метавонед нишондиҳандаи муқаррарии тапиши дили ҳомилаи худро тавассути замимаи «Lalu» фаҳмед.
Тағйирёбии набзи ҷанин дар давоми рӯз
Набзи дили кӯдаки шумо мисли набзи шумо дар давоми рӯз ва шаб ба таври табиӣ тағйир меёбад. Ҳангоми фаъолияти ҷисмонӣ ё хоб дил аз меъёр тезтар ё сусттар мезанад. Тавсия дода мешавад, ки дар бораи ҳама гуна тағйироти ҷиддӣ дар тапиши дили фарзандатон ба духтур хабар диҳед.
Санҷиши набзи дили кӯдак
Баъзе падару модарон дар шароити хона ҳам дар бораи ҳар рӯз мушоҳида кардани задани дили фарзандашон фикр мекунанд. Ҷиҳатҳои мусбӣ ва манфии ин раванд мавҷуд аст.
Муҳим: Тератоген чист?
Назорати тапиши дили кӯдак дар хона
Баъзе падару модарон ҳангоми дар хона назорат кардани тапиши дили кӯдаки худ худро осуда ҳис мекунанд. Аммо дар чунин ҳолатҳо дар шароити хона аз асбобҳои гуногун, аз қабили допплер истифода набурдан беҳтар аст. Зеро истифодаи дарозмуддат ё нодурусти дастгоҳи шунавоии допплерӣ ё нодуруст тафсир кардани натиҷаҳои он метавонад ба оқибатҳои гуногуни манфӣ оварда расонад.
Назорати задани дили кӯдак ҳангоми таваллуд
Санҷиши задани дили ҷанин дар вақти таваллуд метавонад тавассути аускултатсия анҷом дода шавад, яъне дар марҳилаҳои гуногуни таваллуд бо ёрии стетоскоп, фетоскоп ё допплер, ва баъзан тавассути воситаҳои назорати беруна муайян кардани он имконпазир аст. Дар баъзе ҳолатҳо, табибон метавонанд мониторинги доимии берунӣ ё дохилиро низ тавсия диҳанд.
