Агар шумо дар наҷосати навзод хун ё ҳангоми туф кардан, дар ҳолати қай кардан миқдори ками хунро мушоҳида кунед, табиист, ки дар шумо савол пайдо мешавад, ки сабаби ин чист ва оё аз ин ҳолат нигарон шудан лозим аст ё не.
Дар бисёр кӯдакони навзод дар давраи навзодӣ ҳадди ақал як маротиба дар наҷосаташон хун пайдо шуданаш мумкин аст. Қабзият, тарқишҳои хурди мақъад ва баъзе мушкилоти дигар метавонанд боиси пайдоиши нишонаҳои хун дар наҷосати навзод гарданд.
Агар дар наҷосати кӯдак хун бошад… Чӣ бояд кард?
Аз рӯзе, ки дар наҷосати фарзандатон тағйиротро мушоҳида мекунед, ӯро назорат кунед. Ба пайдоиши хун дар наҷосати кӯдак якчанд омилҳо метавонанд сабаб шаванд, ки баъзеи онҳо боиси нигаронӣ намешаванд, дигарон бошанд, омилҳое мебошанд, ки ёрии тиббиро талаб мекунанд.
Пеш аз он ки тахмин кунед, ки чизи дидаатон хун аст, фикр кунед, ки фарзанди шумо ба наздикӣ чӣ гуна хӯрок истеъмол кардааст. Аз сабаби он ки системаи ҳозимаи кӯдакони хурдсол пурра инкишоф наёфтааст, ҳангоми ҳазм шудани хӯроки истеъмолкардаи онҳо ба мисли калонсолон ба дараҷаи назаррас тағйир намеёбад.
Аз ин рӯ, шумо метавонед дар наҷосати онҳо ҳама гуна ранги рангинкамонро бубинед, аз ҷумла ҳангоми истеъмоли сабзавот, аз қабили лаблабу ва помидор, наҷосат сурх мешавад.
Масалан, қатраҳои хурди хун дар наҷосат метавонанд дар бораи мавҷудияти тарқишҳо шаҳодат диҳанд, хуни мармаршуда дар наҷосат бошад, метавонад дар бораи мушкилоти навъи дигар шаҳодат диҳад. Агар дар наҷосати кӯдак пайдо шудани хун давом кунад, ба духтур муроҷиат кунед ва ба ӯ тасвир кунед, ки дар наҷосати кӯдак чиро мебинед.
Сабабҳои наҷосати хунӣ
Якчанд сабаби пайдоиши хун дар наҷосати навзод мавҷуд аст. Онҳо чунинанд:
- Ғизоҳо: баъзе ғизоҳо, аз қабили помидор, лаблабу ё рангҳои ғизоӣ метавонанд боиси пайдоиши рахҳои сурх ё пораҳо дар наҷосати кӯдак гарданд. Ҳамин тариқ, модарони ҷавон бояд ба ғизои охирини истеъмолнамудаи кӯдак диққат диҳанд.
- Тарқишҳои мақъад: ин яке аз сабабҳои маъмултарини пайдоиши хун дар наҷосати навзод мебошад.
- Аллергия ба ғизо: кӯдак метавонад ба таркиби шири модар ё сафедаи он аллергия дошта бошад, ки ин ҳолат колити аллергӣ номида мешавад.
Агар кӯдак ба шири модараш ҳассосияти баланд дошта бошад, ин метавонад боиси илтиҳоби рӯдаи ғафс ва пайдоиши хун дар наҷосати кӯдак гардад. - Ихтилоли рӯда: илтиҳоби пардаи луобии рӯдаи ғафс ва пайдоиши инвагинатсия дар он ҳангоми гузаштан аз як қисми рӯда ба қисми дигар боиси пайдоиши хун дар наҷосати навзод мегардад.
- Диарея: Салмонелла, E. coli, шигелла ё дигар бактерияҳо метавонанд боиси илтиҳоби луобпардаи рӯда гарданд, ки ба пайдоиши қатраҳои хурди хун дар наҷосати кӯдак сабаб мешавад. Ҳамзамон, дар кӯдаки гирифтори диарея он метавонад ҳолатҳои табларза, инҷиқӣ, даст кашидан аз хӯрок ва беобшавии хатарнок дар навзодон-ро ба вуҷуд орад.
- Хуни модар: Агар пистони модари ширдеҳ кафида бошад, дард кунад ё аз он хун равад, ин ҳолат барои саломатии кӯдак вазъиятҳои зараровар эҷод намекунад. Аммо ин ҳолатро бояд бо машварати духтур бартараф намуд.
Агар дар наҷосати навзод хун бошад, кай ба духтур муроҷиат кардан лозим аст?
Агар кӯдаки шумо дарди сахти шикам дошта бошаду гиря кунад, фавран ба духтур муроҷиат кунед.
Инчунин, агар ҳолатҳои зерин мушоҳида шаванд, бо духтур тамос гиред:
- Агар дар наҷосати кӯдак миқдори зиёди хун бошад;
- Ранги наҷосат сиёҳ ё қатронранг бошад;
- Агар мақъад ё рӯдаи рост осеб дида бошад;
- Агар шумо хунро дар наҷосат бештар аз ду маротиба дида бошед;
- Агар кӯдаки шумо ҳамроҳ бо хун дарунравӣ дошта бошад;
- Агар кӯдаки шумо аз 12-ҳафтаина хурд бошад.
Фоиданок: Кай кӯдак рост меистад ё пой мемонад?
Табобат
Аксар вақт, ин мушкилот бо кӯдаки шумо метавонад аз он сабаб бошад, ки массаи хеле сахти наҷосат деворҳои рӯдаро озурда мекунад. Агар ин тавр бошад, хун дар наҷосат дар шакли доғ ё хати дароз пайдо мешавад. Ин ҳолатест, ки одатан зуд шифо меёбад ва духтури шумо метавонад тавсия диҳад, ки рӯдаи рости кӯдакро бо шамъчаи глитсеринӣ равған молед, ваннаи оби ширгарми шӯр ё малҳамҳои стероидиро истифода баред.
Агар сабаби пайдоиши хун дар наҷосат қабзияти кӯдак бошад, беҳтар аст, ки усули парҳезро истифода баред. Агар кӯдак тарқиши мақъад надошта бошад, пас аз ташхис духтур метавонад барои табобати кӯдак маслиҳатҳои зарурӣ диҳад.
