Hámiledarlıq waqtında tuwılajaq perzentińizdiń júrek soǵıwı normada ekenin qalay biliw múmkin? Bul soraw hayallarda kópshilik jaǵdaylarda hámileniń júrek soǵıwın birinshi márte esitkende payda boladı. Bul ses sizdi tańlandırıwı da tábiyǵıy jaǵday. Sebebi ádette hayallar hámiledarlıq dáwiri dawamında náresteniń júregi qanshelli tez soǵıwınan xabarsız boladı.
Perzentińizdiń júrek soǵıwı qalay ózgeredi
Kópshilik hayallar hámile júrek soǵıwın birinshi márte esitkende bul jaǵdaydı súwretlew ushın “duk-duk” sıyaqlı eliklewish sózlerden paydalanadı. Hámiledarlıq waqtında júrek soǵıw tezligi úlkenlerdiń júrek soǵıw tezliginen joqarıraq, biraq hámileniń normal júrek soǵıwı hámiledarlıq dáwirine hám kún bólimlerine qarap ózgeredi.
Hámiledarlıqtıń túrli dáwirlerinde hámile júrek soǵıwı
Hámile shama menen bes háptelik bolǵanda náresteniń júregi soǵa baslaydı. Bul waqıtta hámileniń normal júrek soǵıw tezligi ana júreginiń soǵıwı menen birdey boladı: minutına 80 nen 85 soqqıǵa shekem soǵadı. Usı waqıttan baslap, birinshi ayda júrek soǵıwı kúnine shama menen úsh márte tezlesedi. Shıpakerińiz UZI járdeminde hámile neshe aylıq bolǵanın anıqlawda júrek soǵıw tezliginen paydalanıwı múmkin.
Hámileniń júregi soǵıwda dawam eter eken, onıń túsiw qáwpi azayadı. Biraq júrek soǵıwı bir hápte yamasa onnan kóbirek waqıtqa toqtap qalsa, aqır-ayaǵında hámileniń túsiwine (abort) alıp keliwi múmkin.
Toǵızınshı háptege kelip, náresteniń júregi minutına ortasha 175 ret soǵadı. Usı waqıttan baslap bul tezlik páseye baslaydı hám minutına shama menen 120-180 soqqını quraydı. Hámiledarlıqtıń sońǵı 10-háptesinde hámileniń normal júrek soǵıw tezligi jáne de ástenlesedi, biraq sonda da úlkenlerdiń júrek soǵıwınan shama menen eki ese tezirek soǵadı. Hámileńizdiń normal júrek soǵıw kórsetkishin «Lalu» qosımshası arqalı bilip alıwıńız múmkin.
Hámile júrek soǵıwınıń kún dawamında ózgeriwi
Kishkentayıńızdıń júrek soǵıwı, tap siziń júrek soǵıw tezligińiz sıyaqlı, kún hám tún dawamında tábiyiy túrde ózgerip turadı. Fizikalıq háreketler yaki uyqı waqtında júrek normadan tez yaki ásterek soǵadı. Perzentińizdiń júrek soǵıwı menen baylanıslı hár qanday jiddiy ózgerisler haqqında shıpakerge xabar berip turıw usınıs etiledi.
Náreste júrek soǵıwın tekserip barıw
Ayırım ata-analar úy sharayatında da perzentiniń júrek soǵıwın hár kúni baqlap barıw haqqında oylaydı. Bul procestiń unamlı hám unamsız tárepleri bar.
Áhmiyetli: Teratogen degen ne?
Úyde náresteniń júrek soǵıwın baqlaw
Ayırım ata-analar úyden turıp nárestesiniń júrek soǵıwın baqlap turǵanda ózlerin xatırjam sezedi. Biraq bunday waqıtları úy sharayatında hár qıylı doppler sıyaqlı úskenelerden paydalanbaǵan maqul. Sebebi doppler tıńlaw qurılmasınan uzaq waqıt yamasa nadurıs paydalanıw yáki nadurıs talqılaw hár qıylı unamsız aqıbetlerge alıp keliwi múmkin.
Tuwıw waqtında náresteniń júrek soǵıwın baqlaw
Tuwıw waqtında hámileniń júrek soǵıwın tekseriw auskultaciya arqalı ámelge asırılıwı múmkin, yaǵnıy tuwıwdıń túrli basqıshlarında stetoskop, fetoskop yamasa doppler járdeminde, geyde bolsa sırtqı baqlaw quralları arqalı bunı anıqlaw imkaniyatı bar. Ayırım jaǵdaylarda bolsa shıpakerler turaqlı sırtqı yamasa ishki monitoring tekseriwin usınıs etiwi de múmkin.
