Kandida zamarrıǵı kesellik keltirip shıǵaratuǵın zamarrıq infekciyalarınıń bir túri esaplanadı. Awız boslıǵı kandidozı (molochnitsa) dep atalǵan bul zamarrıq túri awızda payda boladı hám ishki jaqlarda, tilde hám awız boslıǵınıń joqarǵı bóliminde (tańlayda) aq daqlar kórinisin beredi.
Nárestelerde baqlanatuǵın zamarrıq infekciyası túrleri
Ádette, biz zamarrıq tek awızda payda boladı dep oylasaq ta, onıń tásiri deneniń basqa tarawlarında da kóriniwi múmkin. Máselen,
- Tırnaqlar;
- Kózler;
- Deneniń tómengi tarawında (qın yamasa shat tarawında);
- Teri búrmeleri (qoltıq astı tarawı yamasa moyın tarawındaǵı búrmeler).
Paydalı: Uyqı waqtında jılap atırǵan náresteni qalay jubatıw múmkin?
Nárestelerde kandidoz belgileri (molochnitsa)
Nárestelerdegi zamarrıqtıń klassik belgisi til hám jaqtıń ishki silekey qabatında aq, baxmal daqlardıń payda bolıwı. Olar jara túrinde bolıp, artılǵanda onnan qan ketiw jaǵdayı júz beriwi múmkin.
Basqa belgiler tómendegilerdi óz ishine aladı:
- Awız silekey qabatınıń qızarıwı;
- Jılaw yamasa biymazalıq;
- Awırıw sebepli miyirbiyke tekseriwin biykarlaw.
Proces balanıń qızılóńesh aymaǵına shekem tarqalsa, balada jutıw procesi awırıwlı ótiwi múmkin. Siz perzentińizdiń shiysheden awqatlanıwdan yamasa emiwden bas tartqanın kóriwińiz múmkin.
Tildiń aq reńge kiriwiniń ózi perzentińizde kandida zamarrıǵı bar ekenligin ańlatpaydı. Kópshilik nárestelerdiń tili sút ishkennen keyin de aǵarıp qaladı.
Aq daqlar payda bolǵan waqıtta, olar awız boslıǵınıń ádewir betin qaplaǵan boladı hám olardı ańsat artıp bolmaydı. Eger siz bul daqlardı artıp taslawǵa háreket etseńiz, jaralardan qan ketiwi múmkin.
Molochnitsa sebepleri
«Candida albicans» zamarrıǵı qashan ol balanıń awız boslıǵında óse baslaǵanda ǵana, onıń belgileri namayan bolǵanın kóremiz. Zamarrıq tiykarınan, ıssı, ızǵar jerlerde, máselen, náreste awız boslıǵında rawajlanadı.
Kandida infekciyasınıń az muǵdarı kóbinese awızda jasaydı. Ol immunitet sisteması hám awızda jasaytuǵın basqa mikroblar tárepinen qadaǵalanadı. Biraq, immunitet tómenlegende, zamarrıq ósiwi múmkin, bul awızda hám tilde jaralar hám jaraqatlarǵa alıp keledi.
Molochnitsa nárestelerde payda bolıwı múmkin, sebebi olardıń immuniteti ele jetilisken emes. Olar infekciyaǵa qarsılıq kórsetiwge tolıq qábiletli emes.
Awız boslıǵı kandidozı antibiotikler menen emlewden keyin de payda bolıwı múmkin, sebebi antibiotikler awızdaǵı salamat bakteriyalar dárejesin kemeytedi. Bul zamarrıqtıń kóbeyiwine imkan beredi.
Paydalı maqala: Nárestelerde ısıtpa shıǵıwı hám dene temperaturası norması
Diagnostika
Nárestelerde molochnitsa jaǵdayı tez hám ańsat diagnozlanadı. Kópshilik pediatrlar zamarrıqtı náresteniń awız boslıǵın tekseriw arqalı anıqlay aladı. Ornınan qıyın kóshetuǵın baxmal, aq daqlar zamarrıq infekciyasınıń klassik belgileri esaplanadı. Waqtı-waqtı menen, shıpaker laboratoriyalıq tekseriw ushın aq qaplamadan úlgi alıwı múmkin.
Molochnitsanı emlew
Zamarrıqlar hár qashan da emlewdi talap etpeydi hám geyde birneshe kúnnen keyin óz-ózinen ótip ketedi. Balańızdıń awzında payda bolǵan jaralar basqa qáwipli infekciya nátiyjesi emes, al, áyne, zamarrıq sebepli kelip shıqqanına isenim payda etiwińiz ushın pediatrıńızǵa múrájat etiwińiz kerek.
Pediatrıńız baladaǵı infekciyanı emlew ushın zamarrıqqa qarsı dárilerdi buyırıwı múmkin. Bul dárilerdi shıpaker usınısı hám kórsetpesine tiykarlanıp, balanıń awız boslıǵındaǵı jaralarǵa súrtiw múmkin.
Eger ananıń emshek ushında zamarrıq infekciyası bolsa, shıpaker tikkeley emshekke súrtiw ushın arnalǵan recepsiz zamarrıqqa qarsı kremdi usınıs etedi.
Probiotiklerdi qabıl etiw zamarrıqlar hám basqa túrdegi infekciyalardıń aldın alıwǵa járdem beredi. Probiotikler teri hám denedegi biz ushın paydalı bolǵan bakteriyalardı qollap-quwatlawda rol oynaydı, bul bolsa zamarrıqlardıń ósiwin qadaǵalaw astında uslap turadı.
Boljaw
Awız boslıǵı kandidozı yamasa molochnica balalarda keń tarqalǵan infekciya túri bolıp, ádette, oǵan diagnoz qoyıw hám emlew ańsat. Eger siz de, perzentińiz de zamarrıq infekciyasın bastan ótkerip atırǵan bolsańız, bul infekciyalardı dárhal emlew kerekligin hesh qashan umıtpań. Eger tek birewin emlewge erisken bolsańız (ózińizdi yamasa balańızdı), balanı hár sapar awqatlandırǵanıńızda, infekciyanı oǵan qayta juqtırıwdı dawam etiwińiz múmkin.
